Umhverfisviðurkenningar Sveitarfélagsins Skagafjarðar hafa nú verið veittar í níunda sinn, en þær eru veittar í samstarfi við  Soroptimistaklúbb Skagafjarðar. Farnar eru tvær ferðir yfir sumarið um allt sveitarfélagið, bæði dreifbýli og þéttbýli og auglýst eftir tillögum frá almenningi.  Afhendingin fór fram í Húsi frítímans í gær og voru viðurkenningar veittar í sjö flokkum að þessu sinni.

Í tilkynningu frá Soroptimistaklúbbnum segir að að loknum skoðunarferðum er valið úr hópi  tilnefninga í samráði við garðyrkjustjóra Sveitarfélagsins. Lögð sé áhersla á að vanda val á þeim sem umhverfisviðurkenningarnar hljóta því margt hefur gott verið gert í þeim efnum.

Umhverfisviðurkenningar Sveitarfélagsins Skagafjarðar fyrir árið 2013 fengu:

·         Syðra-Skörðugil fyrir snyrtilegasta sveitabýlið með hefðbundnum búskap. Þar búa Sólborg Una Pálsdóttir og Einar Eðvald Einarsson.

·         Lindabær fyrir snyrtilegasta sveitabýlið án hefðbundins búskapar. Þar búa Helga Stefánsdóttir og Sigmar Jóhannsson.

·         Skagfirðingabraut 11 á Sauðárkróki fyrir snyrtilegustu lóðina í þéttbýli. Þar búa Halla Rögnvaldsdóttir og Haukur Steingrímsson.

·         Sauðárkróksbakarí fyrir snyrtilegasta umhverfi fyrirtækis

·         Heilbrigðisstofnunin Sauðárkróki fyrir snyrtilegasta umhverfi stofnunar.

·         Skotfélagið Ósmann sem einstakt framtak.

·         Smáragrund á Sauðárkróki fyrir snyrtilegustu götuna í þéttbýli.

Hefðbundinni sumardagskrá lauk í kvöld  9-9-2013 , með afabyssukvöldi ,  viðburðanefndin þakkar öllum sem komu á viðburði,  fyrir sumarið.

Vegna óvissrar veðurspár og óhagstæðrar stöðu stjörnumerkja verður  7 - 9 - 13  ekki haldið.

Viðburðanefnd.

Mánudag 26 Ágúst var síðasti fasti opnunardagur á skotsvæði Ósmanns ,  opnun á Mánudögum  í September ræðst af veðri og vindum og verður auglýst  með stuttum fyrirvara hér á heimasíðu Ósmanns.

Tilkynning frá varaformanni.

Sælir.
Gerð hefur verið aðstaða til að ákomuprufa haglabyssur fyrir neðan skeet völlin. Sett var niður kapalkefli fyrir neðan markhúsið til að hefta á pappa og svo eru hellur sem á eru merkt færinn upp í 50m. pappi og heftibyssa er í vallarhúsi.
Þar með ætti meðferð á haglabyssum í riffilaðstöðu að vera óþörf með öllu!
Og vonumst við til að menn virði það og séu ekki að ákomuprufa á riffilmörkunum eins og hefur borið við á liðnum árum.
kv.
Jón Kristjánsson.