Síðasti formlegi opni dagurinn á skotsvæði Ósmanns var í gær mánudaginn 31. ágúst, Fín mæting var eins og vant er, Bæði af félagsmönnum sem og utanfélagsmönnum,
Einnig kom Björn Sighvatz með vöfflur og bakaði sem voru borðaðar af bestu list og þökkum við honum fyrir veitingarnar.
Þó svo að þetta hafi verið síðasti skipulagði opnidagurinn, Þá er aldrei að vita nema þeir gætu orðið nokkrir í september, Það fer eiginlega eftir veðri og áhuga hjá fólki hvort að af því verður.
Skemmtikvöldið Laugardaginn 29. ágúst
Skrifað af Arnar Snær Gunnarsson
Fimmtudagur, 27. Ágúst 2009 18:37
Þá er skemmtinefndin búin að funda og ákveða smá dagskrá á laugardaginn og var ég að fá hana í hendurnar.
Mæting er á laugardaginn 29. út á Skotsvæði Ósmanns kl 14:00 og er planið að kveðja sumarið með stæl.
Ætlunin er að hafa smá "keppni" sem í rauninni er bara til gamans fyrir okkur öll.
Fyrst verður keppni í riffilskotfimi, Og notast verður eingöngu við 22 L.R. riffla, Endilega flestir að mæta með sína, Alveg sama hvort þeir eru með sigtum eða kíki, Skotið verður á mismunandi skotmörk en fjarlægðin verður við hæfi þar sem að vonandi koma líka einhverjir með sigti.
Ef að einhver á ekki 22 riffil þá er það ekkert vandamál, Það verða einhverjar byssur á svæðinu sem hægt er að nota, T.d. á félagið einn riffil, En það væri samt fínt ef að fólk gæti þá mætt með skot í staðinn.
Svo verður einhverskonar keppni í haglabyssu sem verður tilkynnt á staðnum, Það sama gildir þar, Endilega sem flestir að mæta með eigin byssur, En sama og með riffilinn þá verða byssur á staðnum sem að hægt verður að nota, En þá væri fínt ef að hægt væri að mæta með skot.
Svo verður líka einhverskonar bogaskotfimi sem að verður betur tilkynnt á staðnum.
Í lokin verðum við svo með grill og fínt ef að hver gæti komið með eitthvða á grillið fyrir sig og sína, Eða nokkrir hópað sig saman og keypt eitthvað á grillið handa sér.
__________
Vonandi sjáum við sem flesta og eins og með alla skemmtidagana hjá okkur þá er þetta opið fyrir alla.
Búið er að ákveða að tíma á þriðja skemmtikvöld ósmann, Það verður haldið laugardaginn 29. ágúst og byrjar kl 14:00
Keppt verður í þríþraut, Því verður haldið leyndu þangað til að dagurinn byrjar hvernig þessu verður háttað til að auka gamanið, En það verður keppt í riffli, haglabyssu og boga þrautum.
Í lokin verður svo grillað og haft gaman.
Allir velkomnir og vonum við að sjá sem flesta.
Seinagangur
Skrifað af Arnar Snær Gunnarsson
Mánudagur, 17. Ágúst 2009 13:15
Seinagangur hefur verið hjá Vefstjóra með að setja inn ljósmyndir frá veiðirifflakvöldinu vegna smá vandamála með gallery kerfið á síðunni, Núna er það hinsvegar komið í lag og myndirnar byrjaðar að hlaðast inn,
Aðrar fréttir af félaginu eru svo sem engar, Komum vel út úr sumrinu, Mjög mikið búið að framkvæma á svæðinu þetta sumarið, Þar má helst nefna stækkun á klúbbhúsinu og lagningu á rafmagni inn á svæðið.
Svo samkvæmt öllu þá eru eftir 3 mánudagar af opnu dögunum sem hafa verið hjá okkur í allt sumar og fólk hefur verið duglegt að mæta, Höfum verið að fá slatta af utanfélagsfólki einnig í heimsókn og er það bara gott mál.
Hreindýraveiðimenn hafa sést hjá okkur nokkuð mikið síðustu vikur að æfa sig fyrir tímabilið, Enda erum við með frábæra aðstöðu til þess. Skotmörk á 25,50,100,150 og 200m færi.
En sumarið er nú samt ekki enn búið hjá okkur, Enn er eftir þriðji og síðasti skemmtidagurinn hjá okkur sem að byrjaði með frábæru herrifflakvöldi og svo núna 23. júlí síðastliðinn vorum við með veiðirifflakvöld sem var mjög vel mætt á, Nánar auglýst með þriðjakvöldið síðar.
Veiðirifflakvöld
Skrifað af Indriði Ragnar Grétarsson.
Mánudagur, 27. Júlí 2009 19:40
Mæting á Veiðirifflakvöldið fór fram úr björtustu vonum þrátt fyrir leiðinda veður, norðan sudda og grátt í Stólnum, en menn létu það ekki á sig fá og skelltu sér bara í gæsagallan en alls mættu um 15 mans, sem er uþb. ¼ félagsmanna geri aðrir betur.
Skotið var á mörk á 200 – 150 – 100 og 50 metra færi, stærð 15x15cm, 12,5x12,5cm, 10x10cm og 7,5x7,5cm, frá borði á 200m, liggandi á 150m, krjúpandi á 100m og standandi á 50m tvö skot á hvert, en þar sem ekki var beint boðlegt að leggast í bleytuna voru 150m teknir á borði líka í þetta sinn.
Gamann var að sjá hve vopna flóran var fjölbreytt þarna gat að líta allt frá 100 ára Carl Gustaf M96 og Remington 710 yfir í SakoTRG og Sauer 202 og cal frá 22-250 og 6mmppc til 375HH og 450Marlin og flest sem er algengt þar á milli.
Menn kvöldsins að öllun ólöstuðum voru nafnarnir Eyjólfur Ingiberg Geirsson og Eyjólfur Þ. Þórarinsson, Eyberg fyrir að vera sá eini til að hitta öll mörkin og Eyjólfur Þ. fyrir að hitta 50m sjónaukalaust.
Smávægilegir tæknilegir örðugleikar voru að hrjá skotmörkinn en menn létu það ekki spilla skemmtuninni, og verður það leyst af tæknisviði fyrir næsta kvöld.
Þrátt fyrir allt var ekki annað að heyra menn skemmtu sér prýðilega og þetta verði endurtekið í síðasta lagi að ári.
Skemmtinefndarfulltrúarnir.
Ps. Ef menn hafa hugmyndir um framsetningu á 3þrautar deginum (riffill, bogi, haglari) þá endilega að hafa samband
Jón baikal@visir.isÞetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
Indriði icelandic.bowhunter@hotmail.comÞetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
Veiðirifflakvöld.
Skrifað af Arnar Snær Gunnarsson
Fimmtudagur, 16. Júlí 2009 09:18
Veiðrifflakvöld verður haldið hjá Skotfélaginu Ósmann fimmtudaginn 23
júlí. kl 19:30
Fyrirkomulag verður þannig að skotið verður liggjandi, sitjandi og
standandi á mismundandi skotmörk á mismunandi fjarlægðum og skotið 3
skotum á hverri stöð.
Ef vilji er hjá mönnum að leyfa öðrum að prófa sinn riffil þá er það
gott mál en ef ekki þá er ekkert að því og þá myndi það vera gert eftir
að þeir sem eru með sína riffla séu búnir með skotstöðvarnar og þá yrði
skotið af borði.
Vonum að sem flestir mæti til að koma saman spjalla, skjóta, sjá hvað
aðrir eru með og hafa gaman af þessu.
Endilega takið frá þetta kvöld.
Skemmtinefndarfulltrúarnir.
Skemmtidagurinn
Skrifað af Arnar Snær Gunnarsson
Sunnudagur, 12. Júlí 2009 22:19
Þá er skemmtidagur Ósmann liðinn, Dagurinn tókst frábærlega, Grillað í góðu veðri og í góðum hóp.
Ég skellti inn nokkrum myndum af deginum á síðuna, Hægt er að skoða þær hér
Ég vill þakka öllum fyrir frábæran dag, Þetta verður örugglega gert aftur
Búið er að ákveða að halda smá skemmtidag fyrir félagsmenn Ósmann laugardaginn 11. júlí, Mæta út á svæði svona 4-5 leitið, Hittast og spjalla saman, Taka og skjóta jafnvel smá og hafa gaman í góða veðrinu, Taka svo um 6 leitið og grilla saman og hafa það gott. (Annað hvort mæta sjálft með eitthvað á grillið eða tala saman við einhverja aðra og koma með)
Fínt ef að fólk gæti látið vita ef að það ætlar að mæta, Láta indriða vita í síma 825-4627 eða bara með tölvupósti á icelandic.bowhunter@hotmail.com Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
Sumarvinnan
Skrifað af Arnar Snær Gunnarsson
Þriðjudagur, 07. Júlí 2009 16:36
Ég ákvað að skella inn nýju albúmi þar sem ég mun setja myndir sem ég hef tekið í sumar af breytingum á svæðinu.
En nokkrir nýjir hlutir, Búið er að klára viðbygginguna við klúbbhúsið og búið að taka það í notkun, Einnig er búið að klára alveg rafmagnið þannig að kastvélarnar og allt annað er komið á ríkisrafmagnið, Opnu dagarnir hafa verið að takast vel í sumar, Slatti af fólki að kíkja á okkur og fá að skjóta, Þökkum öllum fyrir komuna og minnum á að það er opið á mánudögum hjá okkur út ágúst frá kl 18-21
Nóg um að vera
Skrifað af Arnar Snær Gunnarsson
Mánudagur, 29. Júní 2009 11:45
Já það er nokkuð öruggt að við hættum aldrei að betur umbæta svæðið hjá okkur, Núna í þessum töluðu orðum er Rarik að plægja ríkisrafmagnið til okkar þannig að það styttist í að við leggjum gömlu rafstöðinni, Meira um þetta ásamt öðru á morgun.
Aldrei setið auðum höndum
Skrifað af Arnar Snær Gunnarsson
Mánudagur, 22. Júní 2009 22:51
Alltaf er nóg að gera hjá félagsmönnum Ósmann,
Nokkrir galvaskir félagar hafa unnið hörðum höndum að viðbyggingu klúbbhússins síðustu daga og er hún byrjuð að taka á sig mynd, Í gær var svo opnað á milli gamla hússins og viðbyggingarinnar.
Nokkrum myndum af opna deginum í dag ásamt viðbyggingunni var skellt inn á myndasíðuna okkar.
Svo styttist einnig í ríkisrafmagnið hjá okkur og þá verður þetta gleðin ein, Núna er beðið eftir að Rarik setji upp spenni fyrir rafmagnið áður en við getum haldið áfram og látið leggja inn að klúbbhúsi.
Frétt af herrifflakvöldi
Skrifað af Herrifflanefnd
Föstudagur, 19. Júní 2009 14:14
Herrifflaskemmtikvöldið tókst í einuorði sagt frábærlega þrátt fyrir leiðinda veður, 5 félagar og 1 gestur létu ekki norðan sudda og slagveður ekki á sig fá og mættu með úrval vopna og klyfjaðir skotfærum. Þar gat að líta ma. Mosin Nagant M39, M44, M91/30 og M91/30sniper, Þýsk/Norskan Mauser 98k í 30-06, Carl Gustaf og Schmidt-Rubin.
Skotmörkum var stillt upp á 25–50–100 metra færum og skiftust menn á um að sýna færni sína og fimi, það kom mörgum á óvart hvaða árangur náðist með allt að 110 ára gömlum vopnum og opnum sigtum, en einhver vopn voru prufuð af eigendum sínum í fyrsta skifti þarna.
Inn á milli gæddu menn sér svo á kaffi og pönsum, ástarpungum og snúðum. Ásamt skemmtilegu rabbi, sögum og pælingum. Það var ekki annað að heyra en að menn skemmtu sér vel og við Herriffla-skemmtinefndarfulltrúarnir vonum þetta sé viðburður sem komi til með að verða árlegur hér eftir og eigi eftir að stækka og dafna..
Þá er skemmtinefndin búin að funda og ákveða smá dagskrá á laugardaginn og var ég að fá hana í hendurnar.
